Ekitaldia Ateneo Navarro-Nafar Ateneoak eta EHUko Kultura Zientifikoaren Katedrak antolatzen dute, Donostia International Physics Center-en (DIPC) eta Iruñeko GOLEM zinemaren laguntzarekin
Dokumentalaren proiekzioaren ondoren, elkarrizketa-solasaldia egingo da, non bere protagonista Pedro Miguel Etxenike parte hartuko duen, EHUko Materia Kondentsatuaren Fisikako katedradun emeritua eta DIPCko lehendakaria
EHUko Kultura Zientifikoaren Katedrak ekoitzi eta José Antonio Pérez Ledok zuzendutako ‘Naturaren sekretua’ dokumentala datorren asteazkenean irailaren 23an 19:00etan ikusiko da Iruñeko GOLEM Baiona zineman. Sarrera doan da lekuak bete arte, aurretik txarteldegiratik pasea hartuta.
Lan honek Pedro Miguel Etxenikeren bizitza eta ibilbidea jorratzen du, Euskal Herriko Unibertsitateko (EHU) Materia Kondentsatuaren Fisikako katedradun emeritua eta Donostia International Physics Center-en (DIPC) lehendakaria.
55 minutuko iraupena duen dokumentala gogoeta-ariketa bat da, zientziaren garrantziaz hitz egiteko balio duena. Etxenike berak dioenez, zientzia «giza etorkizun zuzenago eta gizatiarragoaren itxaropena ematen digun hazi eraldatzailea da. Kulturalki garrantzitsua da, ekonomikoki erabakigarria eta estetikoki ederra».
Horrela, dokumentalak publikoari Etxenikeren hausnarketak aurkezten dizkio zientziari buruz, zer den eta zertan datzan eta zergatik den hain garrantzitsua galdetuz, tonu hurbil eta intimo batean.
EHUko Kultura Zientifikoaren Katedrako zuzendaria den Iker Badiolak aurkeztuko du dokumentala. Proiekzioaren ondoren, elkarrizketa-solasaldia egingo da Pedro Miguel Etxenike eta Fermin Erbiti kazetariaren artean, nafarreko zientzialararen biografiaren egilea, laster argitaratuko dena.
Ekitaldia Ateneo Navarro-Nafar Ateneoak eta EHUko Kultura Zientifikoaren Katedrak antolatzen dute, DIPCren eta Iruñeko GOLEM zinemaren laguntzarekin.
