Errezitaldi musikatua: Zerbait sartu zait begian.

Parte hartzaileak: Imanol Epelde*
Antolatzaileak: Nafar Ateneoa eta Iruñeko Udala

Spoken word (Hitz mintzatua), musika elektronikoa eta irudiak uztartzen dituen performance garaikide bat da. Umorez lotzen ditu bizitzaren abiadura, naturarekiko deskonexioa, zoriontasunaren bilaketa amaiezina, maskulinitatea eta euskara. Agertokian artista bakarra (Imanol Epelde), pantaila bat eta musika.

(*) Imanol Epelde (Zarautz, 1977) idazlea, antzezlea, musikaria (Etxepare Rap, SKT) eta eduki-sortzailea da. EITBko kolaboratzaile eta ARGIA aldizkariko zutabegilea da, eta bere emanaldietan ikuspegi sozialetik uztartzen ditu hitza eta umorea. Sare sozialetan 27 zapata ezizena darabil.